اخبار الأحد 27 مارس 2011

+ كل سنة وانتم طيبين الصوم الكبير وباذن ربنا كل اسبوع هناخد تدريب صغير طول الاسبوع .
+ التدريب الثالث ( أحد السامرية ) : تدريب الصلاة فى الطريق وقلبك منشغل مع الله اما بمزمور او بصلاة خاصة او بصلوات قصيرة ترفع بها قلبك اللى الله " ينبغى ان نصلى كل حين ولا نمل " (لو 1:18)
+ ممكن نحفظ بعض المزامير من صلاة باكر والانجيل والقطع بس .

نركز بقى شوية علشان التبيهات كتيير :

+ كلنا عايزين نشكر دفعة سنة 3 الثلاث جامعات ( المتمردين ) على اليوم الرائع بجد كان يوم تحفة ربنا يعوضهم جمعيا والاحد القادم اللى هينظم اليوم دفعة سنة اولى الثلاث جامعات
مع د/ مايكل ناصف.

+ عايزين نقول الف سلامة على والد د/ مريم محسن 4 اكتوبر عمل عملية .
+ الاسرة بتفكركوا الذكرى السنوية لاختنا د/ مادونا عماد يوم 3-4 فى بورسعيد.


+++ أجتماع امناء اللجان +++
يوم الثلاثاء 29-3 اجتماع امناء اللجان الساعة 4:30 فى المطرانية وعلى كل امين لجنة يبلغ الخدام المساعدين اللى معاة
الاجتماع هام جدا وعاجل ولا يقبل اى اعذار غير المرض او السفر .


+++ السياسة +++
تقيم اسقفية الشباب يوم الثلاثاء 29-3 ندوة بعنوان " ماذا بعد الاستفتاء " وهيحاضر فيها د/ عمرو حمزاوى سياسى ناشط جدا ومحترم فى افكارة جدا وذلك فى تمام الساعة 6:30 فى مسرح الانبا رويس بالكاتدرائية .


+++ الحفلة الكبيرة +++
يوم الخميس القادم 31-3 الساعة 2 فى الكاتدرائية اجتماع هام جدا وطارئ لمعرفة اخر التطورات الراهنة فى ساحة الحفلة الكبيرة
رجاء خاص من كل دفعة سنة 4 الثلاث جامعات عدم التغييب وياريت نبلغ بعض علشان دى حفلتكم انتم .


+++ القنديل العام +++
يوم الجمعة 1-4 القنديل العام للاسر الجامعية ( اسقفية الشباب ) الساعة 7:30 صباحا فى بيت المحبة بالزيتون وهيرأس الصلاة نيافة الانبا رافائيل الاسقف العام
التجمع الساعة 7 فى محطة مترو حدائق الزيتون وماتخافوش حيكون فية فطار على حساب الاسقفية .


+++ اليوم الروحى +++
يوم الجمعة 8-4 اليوم الروحى الثانى الذى ينتظرة الجميع بعد نجاح اليوم الروحى الاول وذلك فى بيت مارمرقس مدينة نصر وانتظروا مفاجات اليوم والمتكلمين وجميع التفاصيل يوم الاحد فى الاسرة ولمعرفة اكتر كلم د/ مرقس عجيب


+++ اجتماع اكتوبر +++
لثالث مرة السنة دى هيعود اجتماع اكتوبر بقوة يوم الثلاثاء 5-4 فى كنيسة اكتوبر
والتفاصيل يوم الاحد القادم فى الاسرة .


+++ الجمعية +++
محتاجينك وشكرا


+++ فرص عمل كتيييير +++
1 فرصة عمل بمصر الجديدة للخريجين فقط للاستعلام د/ جون يونان 0183973667
Female only

2 فرصة عمل بمركز د/ منى عرفة فى روكسى حديثى التخرج من الجنسين للاستعلام
السكرتارية 0105137776 او مقابلة د/ منى فى المركز يوم الاربعاء من 7-10


3 فرصة عمل فى المريوطية فيصل للاستعلام
0101891894

4 فرصة عمل فى مدينة 6 اكتوبر للاستعلام
0122255602
وربنا يقدرنا ونجيبلكم فرص اكتر

+++ طلبات

O + مطلوب اكياس دم فصيلة
للتبرع د/ مريم كمال 0103994022


++++ الصلاة ++++
نرجو ان لا تنسى فى صلاتك
5 من اعضاء الاسرة محتاجينكم تصلوا ليهم ضرورى
سلام مصر وكل البلدان
كل خدمات الاسره والجمعية
اخواتنا اللى فى الجيش واللى دخلوا الجيش واللى لسة هيفرزوا فى الجيش
واللى بره مصر

وفى الختام نحب نفكركم باهم المواعيد :
الثلاثاء 29-3 اجتماع امناء اللجان 4:30 فى المطرانية

الثلاثاء 29-3 ندوة د/ عمرو حمزاوى 6:30 فى مسرح الانبا رويس بالكاتدرائية

الخميس 31-3 اجتماع دفعة رابعة علشان الحفلة الكبيرة

الجمعة 1-4 القنديل العام 7:30 فى بيت المحبة بالزيتون ونيافة الانبا رافائيل

الاحد 3-4 اجتماع الاسرة الاسبوعى مع عم جرجس

الثلاثاء 5-4 اجتماع الاسرة فى اكتوبر

الجمعة 8-4 اليوم الروحى الثانى بمدينة نصر

الاحد 10-4 اجتماع الاسرة الاسبوعى وابونا مقار شاكر كاهن كنيسة
مارجرجس جزيرة الدهب


+ اخيرا يمكن التواصل معنا على موقعنا على الفيس بووك
http://www.facebook.com/group.php?gid=19396882058

وعلى موقع الاسرة للاخبار والبث المباشر للاجتماعات وايضا منتظرين اقتراحتكم
http://stantonypt.blogspot.com/

ولمعرفة نسبة حضورك فى الاسرة فى الترم الاول النتيجة على موقع الاسرة غدا الثلاثاء
http://stantonypt.blogspot.com/

اشكرك بحرارة على اهتمامك

اخبار الأحد 20 مارس 2011

+ كل سنة وانتم طيبين الصوم الكبير وباذن ربنا كل اسبوع هناخد تدريب صغير طول الاسبوع .
+ التدريب الثالث ( أحد الابن الضال ) : اختار كلماتك (اضبط لسانك ) درب نفسك على اختيار الكلمات التى تؤدى الى الخير والصلاح والرجاء وان نبتعد عن الكلمات التى تحطم وتجرح وتجلب الخوف والقلق " اجعل يارب حارسا لفمى وباب حصين لشفتى "(مز 3:141).
+ ممكن ندرس فى الاسبوع دة رسالة معلمنا بولس الرسول الى اهل رومية اصحاح 12 .

نيجى بقى للتنبيهات :

+ بداية وقبل كل شى حمدالله على السلامة لكل اخواتنا اللى وصلوا الى ارض الوطن ( القاهرة ) وبنقولهم ايجيبت نورت .

+ الاسرة كلها بتقول الف سلامة د/ بيتر ماهر 4 مصر ولمعرفة تفاصيل الخبر اتصل به .
+ الاسرة كلها بتقول الف سلامة د/ مينا ناشد 2009 القاهرة والتفاصيل حتلاقيها معاه .
+ الاسرة كلها بتقول الف سلامة لوالدة د/ مارينا صبرى 4 اكتوبر عملت عملية .

+ الاسرة فرد فرد بيقولوا لدكتورنا د/ بيشوى فاروق الف مبروك حصوله على فيزا كندا بعد فترة عمل شاقة .

+ الاسرة بتفكركوا الذكرى السنوية لاختنا د/ مادونا عماد يوم 3-4 فى بورسعيد.


++++ قداس الشهر ++++
بعد فترة من التوقف دام اكتر من شهرين تعود لجنة قداس الشهر لنشاطها بكل قوة وقداس شهر الجمعة اللى جاية 25-3 فى كنيسة العذراء بالوراق والتجمع الساعة 7:30 فى مترو الخلفاوى و تيجى تقولى لو اتاخرت اعمل اية ؟ اقولك تبقى تحصلنا بمركب للجزيرة فبعد اذنك ماتحاولش تفكر تتاخر وانت حر ومتنساش لو جيت حتاخد نقط الالتزام فى المسابقة الكبرى .
وكمان الاشتراك كبير جدا 3 جنيه وتدفعهم مرة واحدة لواحد من الدكاترة دى :
د/شنودة ميخائيل ، د/ لبيب موسى ( القاهرة )
د/ ماريان عاطف ( اكتوبر) ، د/ مينا ابو الحسين ( مصر)
ولمعرفة التفاصيل د/ مينا حشمت امتياز القاهرة


+++ الجمعية +++
محتاجينك وشكرا
وكمان ربنا يعوض كل الخدام اللى تعبوا فى حفلة عيد الام الاسبوع اللى فات كانت حفلة جامدة جدا.


+++ القنديل العام +++
يوم الجمعة 1-4 القنديل العام للاسر الجامعية ( اسقفية الشباب ) الساعة 7:30 صباحا فى بيت المحبة بالزيتون وحنطلع اتوبيس من الاسرة و سوف يتم التنبيه عليه لاحقا .


+++ الاسبوع القادم +++
هيشرفنا ويبارك اجتماعنا نيافة الحبر الجليل الانبا رافائيل الاسقف العام وكمان حيوزع هدايا لكل اللى اشتركوا فى مسابقة نصف العام .
واللى هينظم الاجتماع الاسبوع دة دفعة 3 الثلاث جامعات ربنا يوفقهم ويطلعونا يوم جامد .


+++ الاسبوع اللى فات +++
كان معانا توزيع هدايا الملتزمين خلال الترم الاول وكمان اكتر اللجان نشاطا والتزاما فى اجتماع الاسرة وهم : لجنة الكتاب المقدس ، لجنة الترانيم ، لجنة اعياد الميلاد وبنشكر دفعة امتياز 2010 على تنظيمها لليوم الجامد .
ولمعرفة نسبة حضورك فى الاسرة النتيجة على موقع الاسرة غدا الثلاثاء
http://stantonypt.blogspot.com/


++++الصلاة ++++
نرجو ان لا تنسى فى صلاتك
سلام مصر وكل البلدان
كل خدمات الاسره والجمعية
اخواتنا اللى فى الجيش واللى بره مصر

+ اخيرا يمكن التواصل معنا على موقعنا على الفيس بووك
http://www.facebook.com/group.php?gid=19396882058
وعلى موقع الاسرة للاخبار والبث المباشر للاجتماعات وايضا منتظرين اقتراحتكم
http://stantonypt.blogspot.com/


اشكرك على اهتمامك

اخبار الأحد 13 مارس 2011

كل سنة وانتم طيبين الصوم الكبير وباذن ربنا كل اسبوع حناخد تدريب صغير طول الاسبوع .
+ التدريب الثانى ( أحد التجربة ) : خذ نقطة الضعف التى فيك واجعلها موضوع صلاتك وجهادك خلال هذا الاسبوع وأجمع آيات الكتاب الخاصة بهذة الخطية وضعها امامك لتتلوها باستمرار
" قدسوا صوما نادوا باعتكاف " (يوئيل 14:1)


+ ممكن ندرس فى الاسبوع دة سفر نشيد الانشاد من اروع اسفار العهد القديم وهو 8 اصحاحات بس مش محتاج كتاب تفسير
التفسير حتلاقية هنا :
http://st-takla.org/pub_Bible-Interpretations/Holy-Bible-Tafsir-01-Old-Testament/Father-Tadros-Yacoub-Malaty/24-Seft-Nashid-El-Anshad/Tafseer-Sefr-Nasheed-El-Anasheed__00-index.html

دلوقتى وقت التنبيهات :

+ الاسرة بتقول الف مبروك معمودية حفيدة الاسرة جاسيكا بنت د/ ميرا فايق 2008 اكتوبر .

+ الاسرة بتقول الف سلامة والد د/ امير نصر 3 اكتوبر عمل عملية فى مستشفى الراعى الصالح .
+ الاسرة بتقول الف سلامة اخو د/ ايليا زغلول امتياز القاهرة .

+ الاسرة بتعزى د/ يسطس اسحق 2004 القاهرة و د/ ميرا اسحق 2 القاهرة فى وفاة زوج خالتهم .


++++ اعداد الخدام ++++
قرر المجلس الاعلى للاسرة عن التوقف عن اعداد الخدام فى الترم الثانى وسوف يتم استبداله بايام روحية مكثفة وسيتم الاعلان عنها قريبا ولمعلومات اكتر يرجى الاتصال د/ مرقس عجيب


+++ مسابقة نصف العام +++
اليوم الاحد 13-3 اخر ميعاد لتسليم اجابات المسابقة وسيتم توزيع الجوايز على يد الانبا رافائيل الاسقف العام يوم الاحد 27-3 ان شاء الله .


+++ الملتزمين +++
باذن ربنا حيتم توزيع هدايا لاكثر الناس التزاما فى الترم الاول يوم الاحد القادم ويمكنك معرفة نسبة حضورك فى الترم الاول على موقع الاسرة وسيتم الاعلان عنها الاسبوع القادم .

+++ السياسة +++
+ التعديلات الدستورية يوم السبت 19-3 ببطاقة الرقم القومى و سوف يتم
التصويت على سؤالين بنعم او لا يعنى اما الاثنين نعم او الاتنين لا ونحن نطالب بدستور جديد واللى حيصوت مرتين عليه غرامة مالية او عقوبة الحبس فخلى بالك .

+ ونقول الف مبروك تم حل كل الاتحادات الطلابية فى كل الكليات وحيتم الانتخابات خلال ايام الاحد والاثنين و الثلاثاء 13-15 /3 /2011 ومحتاجين من شبابنا القبطى الترشح للانتخابات
ومتخافوش احنا علينا الاعلانات والدعاية والاسرة حدعم كل الحملة الانتخابية لكل مرشح من ابناء الاسرة .


++++ الجمعية +++
+ عايزين كلنا نبارك د/ باسم عنتر على امانة الجمعية للفترة الجديدة ونقوله ربنا يعينه .

+ حفلة عيد الام الجمعة القادمة 18-3-2011 فى حديقة الفسطاط والتجمع الساعة 8:30 فى الجمعية ومحتاجين خدام كتيييير والصلاة للحفلة .

+++ المتكلمين +++
الاحد القادم 20-3-2011 حيكون معانا د/ ولاء

والاحد 27-3-2011 حيكون معانا نيافة الانبا رافائيل الاسقف العام .


++++ الصلاة ++++
نرجو ان لا تنسى فى صلاتك
سلام مصر وكل البلدان
كل خدمات الاسره والجمعية
اخواتنا اللى فى الجيش واللى بره مصر


+ اخيرا يمكن التواصل معنا على موقعنا على الفيس بووك
http://www.facebook.com/group.php?gid=19396882058
وعلى موقع الاسرة للاخبار والبث المباشر للاجتماعات وايضا منتظرين اقتراحتكم
http://stantonypt.blogspot.com/

اشكرك على اهتمامك

اخبار الأحد 27 فبراير 2011

كل سنة وانتم طيبين بدء الصوم الكبير و انتم عارفين الظروف التى تمر بها البلاد وبداية الصوم هو احد الاستعداد وكل اسبوع حناخد تدريب صغير طول الاسبوع .

+ التدريب الاول ( أحد الاستعداد ) : ازرع عادة الصلاة اليومية مع الله ابيك واقبل حقيقة انه ينتظر منك كل نداء وهو سوف يستجيب على الدوام .ويقول اشعياء " حينئذ تدعو فيجيب الرب ، تستغيث فيقول هأنذا " (اش 9:58).
+ ممكن ندرس فى الاسبوع دة سفر نشيد الانشاد من اروع اسفار العهد القديم وهو 8 اصحاحات بس مش محتاج كتاب
والتفسير حتلاقية هنا :
http://st-takla.org/pub_Bible-Interpretations/Holy-Bible-Tafsir-01-Old-Testament/Father-Tadros-Yacoub-Malaty/24-Seft-Nashid-El-Anshad/Tafseer-Sefr-Nasheed-El-Anasheed__00-index.html

ندخل على التنبيهات :

+ شكرا ليكم انا عرفت انكم كلكم طلعتوا بطاقات انتخابية دى حاجة كويسة علشان احنا لحد دلوقتى مش عارفين ايه نظام الانتخابات هل حتكون بالرقم القومى ولا بالبطاقة الانتخابية
سؤال اليوم : ماذا نريد الان دولة رئاسية أم دولة برلمانية ؟
ياريت تسال وتعرف الاجابة علشان تعرف انت لازم تعمل اية فى الفترة القادمة
خليك ايجابى وبلاش تشوف السؤال و تقول اية الكلام الفاضى دة .

+ عايزين كلنا نبارك د/ ماريان ممدوح 2004 القاهرة فرحها كان امبارح
+ وكمان نبارك د/ سوسنة ماهر 2008 اكتوبر خطوبتها كانت امبارح وعلى فكرة د/ سوسنة كانت من اعضاء كورال اسرتنا الجامد اللى حنشوفة فى الحفلة الكبيرة .
+ وكمان بردة مننساش نبارك د/ دميانة سمير 2005 القاهرة خطوبتها امبارح بردة بس دة كان فى بور سعيد .
+ ونقول الف مبروك لاخت د/ جرجس هلال 4 اكتوبر لبست دبل يوم الجمعة .
+ وبردة نبارك لاخت د/ مينا محب الشهير بسلطان 3 اكتوبر لبست دبل يوم الجمعة .



اخيرا وبعد طول انتظار نتيجة اولى وتانية ورابعة اكتوبر ظهرت ونقولهم الف مبروك ومستنين العزومة و نقول عقبال سنة تالتة و جامعة القاهرة كلها ربنا معاهم .

ممنساش نتصل ب
د/ مارينا عادل 4 اكتوبر عملت عملية ونقولها الف سلامة .
د/ مارينا صبرى 4 اكتوبر والدتها عملت عملية الف سلامة يا د/ مارينا .
ونقول الف سلامة جدة د/ ماركو محروس 2 القاهرة .

+ ونقول الف مبروك تم حل كل الاتحادات الطلابية فى كل الكليات وحيتم الانتخابات خلال شهرين ومحتاجين من شبابنا القبطى الترشح للانتخابات
ومتخافوش احنا علينا الاعلانات والدعاية والاسرة حدعم كل الحملة الانتخابية لكل مرشح من ابناء الاسرة .

+ وبالمرة بردة علشان دخلنا فى السياسة :غدا الاثنين لقاء المستشار امير رمزى فى كنيسة العذراء الفجالة الساعة 6 م وموضوع عن ( مصر رايحة لفين ) .
وحيكون يوم الثلاثاء 1-3 الساعة 5.30 بقاعة نادى التجارة (30 ش رمسيس مترو احمد عرابى ) وحيتكلم عن " كن ايجابيا & شارك برأيك "

++++ الجمعية ++++
انا بشكر كل الناس اللى عرفوا يحلوا المسألة بتاعت الاسبوع اللى فات والصراحة
مش حنزل مسالة تانية علشان اللى عرفوا الحل المرة اللى فاتت كانوا كتيير واخذوا جوايز كتير.
انت بردة ممكن تكسب لسة الفرصة قدامك لو حليت المسالة ورحت الجمعية جايزتك حتكون فى انتظارك .

+++ فرصة عمل +++
فرصة عمل بعيادة اطفال بالعمرانية التفاصيل د/ بشرى جرجس 0124666982

++++ العيد القومى للاسرة ++++
علشان انا زهقت من تغيير ميعاد حفلة الانبا انطونيوس كل مرة بسبب تاجيل الدراسة لذا الحفلة حتكون اول احد فى الدراسة و حيكون فيها حفلة اعياد ميلاد شهر 3 وحفلة توزيع جوايز على الملتزمين فى الترم الاول وايضا اللجان الملتزمة فى الاجتماع .

++++ المسابقة الصغرى ++++
بردة علشان نفس الحكاية حيتم تسليم المسابقة اول احد فى الدراسة اى كان .

++++ الصلاة ++++
نرجو ان لا تنسى فى صلاتك
سلام مصر وكل البلدان
كل خدمات الاسره والجمعية
اخواتنا اللى فى الجيش واللى بره مصر

+ اخيرا يمكن التواصل معنا على موقعنا على الفيس بوك
http://www.facebook.com/group.php?gid=19396882058
وعلى موقع الاسرة للاخبار والبث المباشر للاجتماعات وايضا منتظرين اقتراحتكم
http://stantonypt.blogspot.com/

اشكرك على اهتمامك

اخبار الأحد 20 فبراير 2011

الى كل انطونى وكل انطونية فى اسرتنا دعوة الى التغيير فى كل شئ فى افكارنا وفى مشاركتنا فى الحياة السياسة والان اتى الوقت لعدم السلبية والتفكير بايجابية ..... فنحن نطلب منك ان تقوم صباحا الى اقرب قسم شرطة التابع لة محل سكنك ومعاك بطاقتك القومية طبعا وصورة منها على ان يكون عمرك على الاقل 18 سنة فيتم ادراج اسمك خلال 10 دقائق لتحصل فى مايو او ابريل على بطاقتك الانتخابية .......ودة علشان الانتخابات اللى جاية فرجاء من كل واحد ان لا يضيع صوته لانها سلاحك الحقيقى وفرصتك للمشاركة وصنع مصر جديدة .

نيجى دلوقتى للتنبيهات :

اولا عايزين كلنا نبارك لامين صندوقنا السابق د/ جاك كميل ود/ فيفان سامى على الاكليل .

وبردة مننساش نبارك لاخونا د/ باخوم راتب 2003 القاهرة على الاكليل اللى كان يوم الاحد الى فات فى الاقصر .

و نقول كمان الف مبروك د/ ايرينى روؤف 2007 القاهرة على الخطوبة السعيدة .

و نقول كمان الف مبروك د/ ايرينى روؤف 2007 القاهرة على الخطوبة السعيدة .
وبعد دة كلة نروح لكنيسة العذراء المرعشلى يوم السبت اللى جاى الساعة 8 م علشان نبارك د/ ماريان ممدوح 2004 القاهرة على الاكليل .

الاسرة بتقول تعيش وتفتكر اربعين جدة د/ هانى عبد النعيم 4 القاهرة الجمعة اللى جاية فى اسيوط .

ومننساش نكلم د/ مايكل ناصف 2 القاهرة علشان نطمئن على والدته عملت عملية . الف سلامة يا د/ مايكل .

++++ الجمعية +++
اللى اخواتى اللى بيحبوا المسائل الرياضية جايبلكم مسالة معقدة والشاطر اللى يعرف يحلها .
المسالة بتقول يوم الاربعاء الماضى كان يوجد بالجمعية 150 طفل معاق وكان عدد الخدام 10 خدام ربنا يبارك المهم لوقسمنا 150 طفل على عدد الخدام حيكون الناتج = ان كل خادم سوف يعالج 15 طفل وبما ان وقت الجلسة ساعة اللى ربع يعنى احنا محتاجين 11 ساعة واكتر علشان كل خادم يخلص الاطفال اللى معاة .
وبما ان وقت العمل بالجمعية من 2-6 م يعنى 4 ساعات .
فما هو حل هذة المسالة علشان نخلص كل الاطفال فى 4 ساعات المتاحين ؟؟؟؟؟
لو عرفت الحل روح الجمعية وانت حتكسب .

++++ العيد القومى للاسرة ++++
علشان انا زهقت من تغيير ميعاد حفلة الانبا انطونيوس كل مرة بسبب تاجيل الدراسة لذا الحفلة حتكون اول احد فى الدراسة و حيكون فيها حفلة اعياد ميلاد شهر 3 وحفلة توزيع جوايز على الملتزمين فى الترم الاول وايضا اللجان الملتزمة فى الاجتماع .

++++ المسابقة الصغرى ++++
بردة علشان نفس الحكاية حيتم تسليم المسابقة اول احد فى الدراسة اى كان .

++++ الصلاة ++++
نرجو ان لا تنسى فى صلاتك
سلام مصر وكل البلدان
كل خدمات الاسره والجمعية
اخواتنا اللى فى الجيش واللى بره مصر
اشكرك جدا جدا